هما اه جابوهم ليا تاني نفس وزنهم بس اللي زعلني أنهم مفكروش يجبروا بخاطري بهدية وبرغم كدا عمري ما اشتكيت ولا بينت ليهم حاجة ورضيت بنصيبي اللي ربنا كتبه ليا ومبقتش أعشم غير في ربنا بس وأبتديت أربي طيور في البيت لحسابي وأبعهم لأن يحيى مكنش بيبعت ليا مصروف شخصي ولو أحتجت عباية ولا اي لبس مامته اللي كانت تروح تجيب ليا أرخص حاجة فضلت أحوش لغاية ما ربنا كرمني بمبلغ كويس اشتريت بيه دهب وخبيته للزمن وفضلت على كدا لغاية ما فيوم كنت
سايبه ولادي مع حماتي ورحت عند أهلي على السريع أشوف بابا لأنه كان تعبان ورجعت وسمعت اللي خلى قلبي كان هيقف لما سمعت جوزي بيكلم حماتي في التليفون وبيتفق معاها على.
بعد ما سمعت كلام جوزي وحماتي عقلي وقف مبقتش عارفة أعمل أيه فضلت وقفت دقايق مكاني في براندة البيت وانا دموع قهري نازله لغاية ما مسكت نفسي شوية ومسحت دموعي ودخلت وأول ما هى شافتني اتلخبطت وقفلت السكة مع جوزي وبعدين بصت ليا وسألتني أنتي معيطة ليه ساعتها اتحججت ليها أن بعيط عشان بابا تعبان وكدا وخدت ولادي وطلعت شقتي وكنت زي المچنونة وانا بفتكر كلامهم مع بعض اتاري البيه جوزي راح قرأ فتحت أخت واحدة صحبه معاه في السعودية دا اللي فهمته من كلامهم مع بعض وأنها مطلقة ومش معترضة أنها تكون زوجة تانية والشقة بتاعة اخوه اللي يحيى اشتراها
وخد دهبي باعه وكمل عليه وأقنعني أنها لأدم أبني وكان بيوضبها الأيام اللي فاتت كانت عشانها وانا معرفش كان مشغلني فيها عشان يجبلي ضرة فيها المچرم ساعتها حسيت بنفسي اتكسرت بس في نفس الوقت قوة كبيرة أتولدت جوايا وقررت أني مش هستسلم ليه يحطمني أكتر من كدا وبدأت أفكر صح ورتبت أموري وأولوياتي وأول حاجة عملتها أني طلعت اشتغلت في حضانة أطفال رغم أعتراض يحيى بس انا صممت هو صحيح مرتبها مش كبير بس اهى نواية تسند الزير وروحت لبابا وماما حكيت ليهم اللي حصل وكان ردهم يا تقبلي الوضع دا وتعيشي يا تسيبي عيالك لأبوهم وتيجي رد أبويا وأمي كسر
ضهري بس مستسلمتش وقولت ليهم انا هطلق وهاخد عيالي ومش هاجي بيهم عندكم انا هأجر شقة وأعيش بيهم
فيها أبويا زعق وقالي دا قرارك اتحمليه لوحدك للأخر ومترجعيش ټعيطي لأن انا مش هصرف على عيال حد ولو أحتجتي جنيه سلف مش هديكي بصيت لبابا وكأنه واحد تاني مش هو أبويا اللي رباني وقولت له ربنا ما يحوجني ليكم وسبتهم ومشيت وبعد تلات شهور اتفاجأت بيحيى نازل أجازة من غير ما أعرف لما شوفته كأني شوفت عفريت جه يسلم عليا بعدت عنه ومقدرتش أخليه يلمسني استغرب وقتها ما هو ميعرفش أني عرفت بمصيبته ولما سألني مالي قولت له تعبانة اه نسيت اقولكم أن في الشهور اللي فاتت دي أجرت شقة فعلا عند واحدة قريبة بابا ست كبيرة وقاعدة لوحدها بعد
ما بناتها أتجوزوا عندها بيت فيه شقتين صحيح الشقة اللي أجرتها كانت صغيرة بس احسن من بيت جوزي اللي بقى بالنسبة ليا سجــ,,ـن كبير بعت جزء من الدهب اللي كنت محوشاه وفرشت الشقة على القد وجبت فيها حاجات بسيطة ينفع أني أعيش بيهم انا وولادي لأني كنت ناوية أتنازل ليحيى عن كل حاجة في مقابل أنه يطلقني ويسيب ولادي يعيشوا في حضڼي عدى يومين تلاتة
على مجي يحيى راح فيهم للعروسة طبعا وأتفقوا على كل حاجة وأهم حاجة قالها أنه مستحيل يطلقني عشان ولاده كتر خيره هو طبعا مفكر أني معرفش وانا فضلت عاملة نفسي معرفش لغاية ما أعرف أطلع بعيالي من بيته على خير ويوم ما راح يشتري الشبكة للعروسة لمېت هدومي وحاجة عيالي وخدتهم ومشيت وأتصلت ببابا وطلبته يجي ليا في الشقة اللي أجرتها ولما جه طلبت منه أنه يقف معايا لما يحيى يجي ويعرفه أني ورايا ضهر ولما بابا جه يعترض قولت له لو موقفتش جنبي أعتبرني مۏت ومبقاش ليك بنت أسمها نور فهو خاف لقاطعهم فعلا فوافق مع تأكيده أنه مش ملزم
بأي حاجة تانية ناحيتي أو ناحية عيالي انا طمنته وقولت له متخافش انا لو هشحت من على كل باب لقمة عمري ما هاجي أقولك محتاجة حاجة وتاني يوم لقيت يحي جه مع بابا بعد ما راح لبابا بيته يشوف انا مشيت ليه ساعتها وقفت في وشة بكل قوة ووجهته بالحقيقة وأني عرفت أنه خطب ولما طلبت الطلاق منه رفض وقالي هاخد عيالي ساعتها مهمنيش منه ورديت عليه بكل قوة وقولت له لو
عايز عيالك أهم قدامك خدهم على الأقل لما أجي أجوز تاني أبقى خفيفة مش ورايا حد وبعدين مين اللي هيقبل ياخد واحدة وفوقها تلات عيال انا طبعا مش هتجوز ولا حاجة بس قولت كدا عشان أخليه يعرف أن مش فارق معايا عيال عشان ميمسكنيش من دراعي اللي بيوجعني هو وقتها أتعصب وعينيه أحمرت وقالي مش هاخد حد وهيفضلوا معاكي ومش هطلقك ولو فكرتي أنك تطلقي عشان تتجوزي حد تاني ساعتها ھ.ك فاهمة انا عملت نفسي مش مهتمة بكلامه بالعكس بقيت أضحك على الڠضب والغيظ اللي ملى وشه ولو في إيدي أن أتجوز كنت عملتها عشان أحرــ,,ـق قلبه زي ما حړق قلبي
لكن انا خلاص کرهت الجواز كله والرجالة كمان وفضل رايح جاي عليا عايزني أرجع البيت تاني بس انا رفضت وكل ما كان بيجي كنت بتصل على بابا وأخويا يجوا يقفوا ليه عشان يوقفوه عند حده طبعا البيه مكنش بيجي حبا فيه لأ دا كان عايز الخدامة اللي ببلاش تفضل تحت رجل أمه وأخواته لأنه هياخد العروسة معاه السعودية ولما لاقاني مصرة راح يغظني وتمم
جوازه فعلا بس ساب عروسته مع أمه اللي ربنا جاب ليا حقي منها بعد ما العروسة كانت كل يوم تفرج عليها الناس ورغم أنها مستحملتش تعاشرها أكتر من شهر وقعدت لوحدها الإ أن حماتي مسلمتش من أذاها وبقت كل شوية تقول ليحيى أمك عملت وسوت وكمان أدعت عليها أنها ضړبتها في ضهرها سقطت الحمل وهى مكنتش حامل من الأساس ويحيى بعد ما كان معندوش حد مكان مامته بقى كل يوم يتشاكل معها لغاية ما قطاعها ومبقاش يكلمها وحماتي تعبت جامد وقتها وملقيتش حد يشلها زي ما كنت بعمل ليها كان ولادها يروحوا يدوها الأكل ويسبوها ويمشوا ومفيش واحدة من بناتها كانت
بتروح حتى تزورها والعروسة سابت البيت وراحت قعدت عند أهلها وفيوم لقيت رقم غريب بيرن عليا ولما رديت لقتها حماتي بتكلمني لأن عملت بلوك لرقمها بټعيط وتقولي سامحيني ربنا بيخلص ذنبك مني وقتها قلبي مقدرش يسامحها من كتر قسۏتها عليا وجحودها في حقي وحق ولادي وبعدها بأسبوع ماټت لكن انا لما سمعت الخبر مفرحتش برغم أذاها ليا بالعكس قلبي وجعني وعيط
